ပုဂံ ယွန်းထည်လက်ရာများ

"ဟောဒီလမ်းဟာ တခြားဟာတွေတော့ မရှိဘူး၊ သေတ္တာတွေ လင်ပန်းတွေ ခွက်တွေ စတဲ့ သေသေသပ်သပ် အရောင်တင်ထားတဲ့ ယွန်းထည်ပစ္စည်းတွေကို ဆိုင်တွေရဲ့ ရှေ့ပိုင်းမှာ အစီအရီ ခင်းကျင်းပြသထားတဲ့ ဆိုင်တွေနဲ့ ပြည့်နေပါတယ် - အဲဒီယွန်းထည်ပစ္စည်းတွေရဲ့ တချို့ပစ္စည်းတွေအပေါ်မှာ အရောင်အသွေးစုံစုံလင်လင် ဆွဲထားတဲ့ အရုပ်တွေ၊ တချို့ပစ္စည်းတွေပေါ်မှာတော့ ရောင်စုံပန်းတွေဆွဲထားပါတယ်။"

လွန်ခဲ့တဲ့ အနှစ် ၂၂၀ လောက်က(၁၇၉၅ ခုနှစ်က) ဗြိတိသျှအရာရှိ ဆင်းဟာ ညောင်ဦးမြို့က လမ်းတွေမှာ ယွန်းထည်ပစ္စည်းဆိုင်တွေ စီတန်းနေတဲ့ မြင်ကွင်းကို ရေးမှတ်ခဲ့ပါတယ်။ ရိုးရာယွန်းလက်ရာအနေနဲ့ ပုဂံဟာ အလွန်နာမည်ကြီးပေမယ့် မြန်မာပြည် အလယ်ပိုင်းဒေသတွေဖြစ်တဲ့ မုံရွာအနီးကကျောက္ကာနဲ့ အင်းဝမှာလည်း ရှေးကတည်းက ယွန်းထည်လုပ်ငန်းကိုလုပ်ကြပြီး သူတို့ပစ္စည်းတွေလည်းပဲ တွင်တွင်ကျယ်ကျယ် ရောင်းချကြရပါတယ်။

ဆင်းရဲ့ အပြောအရ ယွန်းထည်ပစ္စည်းတွေ အားလုံးလောက်ဟာ နေ့တဓူဝသုံးပစ္စည်းတွေပဲ ဖြစ်တယ်။ ယွန်းထည် အသုံးအဆောင်တွေကို အလှူပစ္စည်းဝတ္ထု ထည့်စရာ လင်ပန်း၊ ခွက်၊ သပိတ်၊ ဆွမ်းအုပ်၊ ကွမ်းတောင်၊ ပန်းတောင် စသဖြင့် သုံးသလို ထီးသုံးနန်းသုံးပစ္စည်းတွေအဖြစ်နဲ့လည်း သုံးကြပါတယ်။ အခုခေတ် ယွန်းထည်တွေအနေနဲ့ လူနေမှုစနစ်ကြီး ပြောင်းလဲတာနဲ့အတူ ပုံသဏ္ဌာန်အရရော အဆင်တန်ဆာ(ဒီဇိုင်း) အရပါ တော်တော်ကြီးကိုပဲ ပြောင်းလဲသွားပါပြီ။

မြန်မာယွန်းထည်တွေဟာ ဝါးနဲ့ စစ်စေးကို အသုံးပြုပြီး လုပ်တာပါ။ ပစ္စည်းကိုယ်ထည်ကို သေးငယ်တဲ့ နှီးနဲ့ ပြုလုပ်ပြီး အပေါ်ကနေ စစ်စေးနဲ့ အထပ်ထပ် သုတ်လိမ်းကာ နေပြ အခြောက်လှမ်းရပါတယ်။ ထူးခြားတာဆိုရင်တော့ ကိုယ်ထည်ပေါ်မှာ အလှဆင်တဲ့ နည်းလမ်း ဖြစ်တယ်။ ချွန်ထက်တဲ့ ဓားသေးသေးလေးနဲ့ သေးငယ်တဲ့ ကောက်ကြောင်းတွေကို ထွင်းပြီး ပေါ်လာတဲ့ ထွန်ကြောင်းလေးတွေထဲကို အရောင်အသွေးစုံ စစ်စေးရည်တွေကို လောင်းထည့်လိုက်ပြီးရင် ပြီးပြည့်စုံတဲ့ ယွန်းထည်ပစ္စည်းတခုဖြစ်သွားပါပြီ။ ထိုင်းနိုင်ငံ မြောက်ပိုင်းမှာ ပေါက်ဖွားခဲ့တဲ့ ဒီနည်းကိုဂျပန်မှာ “ကင်းမ” လို့ ခေါ်ပါတယ်။

ပုဂံပျက်သွားပြီးတဲ့နောက် ၁၄ရာစုနှစ်လောက်ကနေ ၁၈ရာစု ဝန်းကျင်မှာ ယွန်းထည်ပစ္စည်းလုပ်ငန်းကို အရှေ့မြောက်ဖက်က တောင်တွေကို ဖြတ်ပြီး မြန်မာနိုင်ငံထဲကို စတင် ပို့ပေးခဲ့ပါတယ်။ ဧရာဝတီမြစ်ဝှမ်းက ဝါးနဲ့ ရှမ်းပြည်နယ်တောင်ကုန်းတွေက စစ်စေး ပေါင်းဖက်ပြီး ယွန်းထည်ပစ္စည်း ဖြစ်လာတာပါ။ ယွန်းထည်လုပ်ငန်းဟာ ယဥ်ကျေးမှု ဗဟိုချက်မ ပုဂံရဲ့ ထူးခြားတဲ့ ရိုးရာစဥ်လာ လက်မှုလုပ်ငန်းလို့ ပြောစမှတ် ပြုနိုင်ပါတယ်။

ပုဂံမြို့သစ်မှ ယွန်းထည်အလုပ်ရုံ

ပုဂံမြို့သစ်ဟာ မြန်မာပြည် အလယ်ပိုင်းမှာ တည်ရှိတဲ့ ရှေးဟောင်းသမိုင်းဆိုင်ရာဒေသကြီးတခုရဲ့ အမည်ဖြစ်တဲ့ ပုဂံမြို့ဟောင်းကို ရွှေ့ပြောင်းတည်ဆောက်ထားတဲ့ မြို့သစ်တခုပဲ ဖြစ်တယ်။ ကျွန်တော် ကျွန်မတို့ လှုပ်ရှားမှုတွေ လုပ်ဆောင်နေတဲ့ အတောအတွင်း ယွန်းထည်လုပ်ငန်းတွေကို လုပ်လာကြတဲ့ လူငယ်လူရွယ် ပုံစံထုတ်သူတွေ ပေါ်ပေါက်လာနေတာ တွေ့မိတယ်၊ အလုပ်ရုံ အတော်များများကိုလဲ တွေ့မိပါတယ်။
လက်တွဲဖော်တွေ
ဂျပန် နိုင်ငံတကာ ပူးပေါင်းဆောင်ရွက်ရေး ဧဂျင်စီ (ဂျိုက်ကာ)
ပုဂံ ခရီးသွားလုပ်ငန်း မြှင့်တင်ရေးလုပ်ငန်း စီမံကိန်း

This email address is being protected from spambots. You need JavaScript enabled to view it.  |  Facebook  |  Instagram

Copyright © 2017, Wonder Bagan. All Rights Reserved.