သတင်းတွေကို ဘယ်လိုဖြန့်မလဲ

ခရီးသွားလုပ်ငန်းပန်းတိုင်ကို ရောက်ဖို့အတွက် ထိရောက်တဲ့ သတင်းမီဒီယာအသုံးချမှုဟာ အခရာကျပါတယ်။ လူထုမီဒီယာတွေဖြစ်တဲ့ တီဗီ ရေဒီယို မဂ္ဂဇင်း စတာတွေနဲ့ လတ်တလောနှစ်တွေမှာ လူမှုနယ်ပယ် သတင်းလောကဖြစ်တဲ့ ယူကျုနဲ့ ဖေ့စဘုတ်တွေဟာ အဓိကနေရာကနေ အရေးပါပါ အသုံးတော် ခံနေတယ်။ ဗုဒ္ဓဘာသာ ဘုရားကျောင်းကန်တွေတင် မဟုတ်ပဲ ပုဂံ ဒေသခံတွေရဲ့ လူနေမှုပုံစံတွေစတဲ့ ပုဂံရဲ့ မတူကွဲပြားမှုတွေကို ရုပ်ရှင်တိုလေးတွေ ရိုက်ကူးထုတ်လုပ်လာကြတာနဲ့အတူ ဒီမှတ်တမ်းရုပ်ရှင်တွေဟာ အင်တာနက်ကတဆင့် ကမ္ဘာ့ပြည်သူတွေအကြား ပျံ့နှံ့စိမ့်ဝင်သွားပါလိမ့်မယ်။ သတင်းဖြန့်ချီရေး (မီဒီယာ) ကြားခံအမျိုးမျိုးကို အသုံးပြုရာကနေ အတွေ့အကြုံတွေ၊ နည်းပညာတွေ စုပုံရရှိလာလိမ့်မယ်လို့လဲ မျှော်လင့်မိပါတယ်။